ರಾಹುಲ್ ಗಾಂಧಿ ಹೇಳಿದ್ದ ಕಾನ್ಸೆಪ್ಟ್ ತಮಿಳುನಾಡಿನಲ್ಲಿ ಸಾಕಾರ

ಈ ದೇಶದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದೆಲ್ಲವೂ ಪರಮ ಸತ್ಯ ಅಂತ ನಂಬುವ ಒಂದು ಸಮುದಾಯ ಇದೆ. ಈ ಸಮುದಾಯಕ್ಕೆ ವಿಪಕ್ಷದ ಎಲ್ಲ ನೇತಾರರೂ ವಿಲನ್‌ಗಳು. ಅದರಲ್ಲೂ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಏನು ಮಾತಾಡಿದರೂ ಅದು ತಮಾಷೆಯ ಸರಕು. ಆತನನ್ನು ಶತಮೂರ್ಖ ಅಂತ ಬಿಂಬಿಸೋಕೆ ಈ ಟ್ರಾಲುಗಳು ವಿಡಿಯೋ ತಿರುಚುವುದು, ಹೇಳಿಕೆಗಳನ್ನು ಬದಲಿಸುವುದು, ನಕಲಿ ಹೇಳಿಕೆಗಳನ್ನು ಸೃಷ್ಟಿಸುವುದು ಹೀಗೆ ವಿವಿಧ ಕಸರತ್ತುಗಳನ್ನು ಮಾಡುತ್ತಿರುತ್ತಾರೆ.

ಇತ್ತೀಚೆಗೆ ಸಿಂಗಾಪುರದಲ್ಲಿ ಮುಕ್ತ ಮಾಧ್ಯಮ ಸಂವಾದ ನಡೆಸಿದ್ದ ವೇಳೆ ರಾಹುಲ್ ಗಾಂಧಿ ವೈದ್ಯಕೀಯ ಕ್ಷೇತ್ರದಲ್ಲಿ ಮಹತ್ತರ ಬದಲಾವಣೆ ತರಬಲ್ಲ ಒಂದು ಕಾನ್ಸೆಪ್ಟ್ ಬಗ್ಗೆ ಅನಿಸಿಕೆ ಹಂಚಿಕೊಂಡಿದ್ದರು. ಎಲ್ಲ ಎಂಆರ್‌ಐ ಮಷೀನ್‌ಗಳನ್ನು ಇಂಟರ್‌ ಕನೆಕ್ಟ್ ಮಾಡುವುದರಿಂದ ರೋಗಿಯ ದತ್ತಾಂಶ ವಿನಿಮಯ ಸಲೀಸಾಗುತ್ತದೆ. ಇಂಥ ತಂತ್ರಜ್ಞಾನ ಬಳಕೆಯಿಂದ ರೋಗಪತ್ತೆ ಮತ್ತು ಪರಿಹಾರದಲ್ಲಿ ಕ್ರಾಂತಿಕಾರಕ ಬದಲಾವಣೆ ತರಬಹುದು ಎಂದಿದ್ದರು. ಆದರೆ ಇಂಥವುಗಳನ್ನು ಅರ್ಥ ಮಾಡಿಕೊಳ್ಳುವ ಸಾಮರ್ಥ್ಯ ಇಲ್ಲದ ಬಿಜೆಪಿ ಭಕ್ತರು ಇದೊಂದು ಬಯಂಕರ ಕಾಮಿಡಿ ಎನ್ನುವಂತೆ ರಾಹುಲ್ ಗಾಂಧಿಯ ಮೀಮ್‌ಗಳನ್ನು ಮಾಡಿ ನಕ್ಕು ಖುಷಿಪಟ್ಟಿದ್ದರು.

How to transform the healthcare sector?
Shri Shri Rahul Gandhi Ji : Connect all the MRI machines in the country pic.twitter.com/8hb0segVAy
— Tajinder Pal Singh Bagga (@TajinderBagga) March 9, 2018

ಇದೀಗ ತಮಿಳುನಾಡಿನಲ್ಲಿ ಎಲ್ಲ ಎಂಆರ್‌ಐಗಳನ್ನು ಇಂಟರ್‌ ಕನೆಕ್ಟ್ ಮಾಡಲು ಅಲ್ಲಿನ ಆಡಳಿತ ಮುಂದಾಗಿದೆ. ದೇಶದಲ್ಲೇ ಮೊದಲ ಬಾರಿ ಇಂಥ ವ್ಯವಸ್ಥೆ ಅಳವಡಿಸಿಕೊಳ್ಳುತ್ತಿರುವ ತಮಿಳುನಾಡು ದೇಶದ ಇತರ ಭಾಗಗಳಿಗೆ ಮಾದರಿಯಾಗಬಲ್ಲದು ಅನ್ನುವ ನಿರೀಕ್ಷೆಯೂ ಹುಟ್ಟಿದೆ.

TN Govt.connects all CT Scans & MRI machines in Govt hospitals across State.Very soon a scan taken in any Govt. hospital can be read by Radiologist in any other hospital. Life saving.Delighted that project that I pushed for many yrs with Govt is becoming a reality.Launching soon
— Sumanth Raman (@sumanthraman) June 25, 2018

ಬಹುಮತದ ಬಗ್ಗೆ

ಮತ ಎಂಬ ಪದಕ್ಕೆ ತಕ್ಷಣ ಮತ್ತು ಸಾಮಾನ್ಯವಾಗಿ ನಾವು ಅನ್ವಯಿಸುವ ಅರ್ಥ; ಧರ್ಮ ಮತ್ತು ಓಟು. ಆದರೆ ಮತ ಎಂಬ ಪದಕ್ಕೆ ಆಲೋಚನೆ, ಅಭಿಪ್ರಾಯ, ಆಚಾರ, ವಿಚಾರ, ಸಿದ್ಧಾಂತ ಎಂಬ ಅರ್ಥಗಳೂ ಇವೆ. ಈ ತಾಣ, ಆ ಇತರ ಅರ್ಥಗಳಿಗೆ ವೇದಿಕೆ. ಎಡ, ಬಲ, ಮಧ್ಯಮ ಮತ್ತು ಈ ಮೂರೂ ಅಲ್ಲದವೂ ಸೇರಿ ಕೇಸರಿ, ಹಸಿರು, ಬಿಳಿ, ಕೆಂಪು, ನೀಲಿ.. ಇತ್ಯಾದಿ ಎಲ್ಲ ಬಣ್ಣಗಳೂ ಇಲ್ಲಿ ಹರಡಿಕೊಳ್ಳಲಿವೆ. ನಿಮ್ಮ ಕಮೆಂಟು ಅಥವಾ ವಿಚಾರಗಳು ಘನಗಂಭೀರವಾಗಿರಬೇಕು ಎಂಬ ಷರತ್ತೇನೂ ಇಲ್ಲ. ಕೀಟಲೆ, ತಮಾಷೆ ಅಥವಾ ಆಯಾ ಕಾಲಕ್ಕೆ ‘ವಿತಂಡ’ ಅನ್ನಿಸಿಕೊಳ್ಳುವ ‘ಚಾರ್ವಾಕ ವಾದ’ಗಳಿಗೂ ಮುಕ್ತಮನಸ್ಸಿನ ಸ್ವಾಗತವಿರುತ್ತದೆ!