ಪೂರ್ತಿ ತಿಂದ್ರೆ ದುಡ್ ಕೊಡೋದೇ ಬೇಡ!

ಮುಂಬೈನ ಮಿನಿ ಪಂಜಾಬ್ಸ್‌ ಲೇಕ್‌ಸೈಡ್‌ ರೆಸ್ಟೊರೆಂಟ್‌ನಲ್ಲಿ ಸಿಗುವ ದಾರಾ ಸಿಂಗ್‌ ಥಾಲಿ.

ಹೊಟ್ಟೆಗೆ ಇದೊಂಥರಾ ಬಕಾಸುರ ಟ್ರೀಟು; ಮುಂಬೈನಲ್ಲಿರೋ ಮಿನಿ ಪಂಜಾಬ್ಸ್ ಲೇಕ್‌ಸೈಡ್ ರೆಸ್ಟೊರೆಂಟ್ನಲ್ಲಿ ಈ ದೊಡ್ಡ ತಟ್ಟೆಯ ಊಟ ಸಿಗುತ್ತೆ. ಹೆಸರು ದಾರಾಸಿಂಗ್ ಥಾಲಿ ಅಂತ. ವಿವಿಧ ರೋಟಿ, ಬಿರಿಯಾನಿ, ಸಿಹಿ-ಖಾರ ಇತ್ಯಾದಿಗಳು ಸೇರಿ ಒಂದೇ ತಟ್ಟೆಯಲ್ಲಿ ಒಟ್ಟು 36 ಬಗೆಯ ಖಾದ್ಯಗಳಿರ್ತವೆ. ವೆಜ್ಜು, ನಾನ್‌ವೆಜ್ಜು ಎರಡಕ್ಕೂ ಡಿಫರೆಂಟು ಮೆನು. ಎಲ್ಲ ವೆರೈಟಿಗಳನ್ನು ಒಪ್ಪವಾಗಿ ಇರಿಸಿದ ಮೇಲೆ ಈ ತಟ್ಟೆಯನ್ನು ಇಬ್ಬರು ವೇಟರ್‌ಗಳು ಹಿಡಿದು ತರುತ್ತಾರೆ. ಕನಿಷ್ಟ ನಾಕು ಮಂದಿಯ ಹೊಟ್ಟೆ ತುಂಬಿಸುವ ಮೆಗಾ ಫುಲ್ ಮೀಲ್ಸ್ ಇದು. ಈ ಊಟದ ಬೆಲೆ ಜಿಎಸ್ಟಿ ಸೇರಿ 1200 ರೂ.

ಅಂದಂಗೆ ರೆಸ್ಟೊರೆಂಟ್ನಲ್ಲಿ ಗ್ರಾಹಕರಿಗೆ ಒಂದು ಆಫರ್ ಕೂಡ ಇದೆ. ಒಬ್ಬರೇ ಕೂತು ಇದನ್ನು ಪೂರ್ತಿ ತಿಂದರೆ (ಒಂದು ಐಟಮ್ ಕೂಡ ಬಿಡದ ಹಾಗೆ) ಊಟ ಉಚಿತ! ಆದ್ರೆ ಈವರೆಗೆ ಯಾರೂ ಈ ಆಫರ್ ಎನ್‌ಕ್ಯಾಶ್‌ ಮಾಡಿಕೊಂಡಿಲ್ಲ ಅನ್ನೋದು ರೆಸ್ಟೊರೆಂಟ್ ಮಾಲೀಕರ ಹೇಳಿಕೆ.

ಬಹುಮತದ ಬಗ್ಗೆ

ಮತ ಎಂಬ ಪದಕ್ಕೆ ತಕ್ಷಣ ಮತ್ತು ಸಾಮಾನ್ಯವಾಗಿ ನಾವು ಅನ್ವಯಿಸುವ ಅರ್ಥ; ಧರ್ಮ ಮತ್ತು ಓಟು. ಆದರೆ ಮತ ಎಂಬ ಪದಕ್ಕೆ ಆಲೋಚನೆ, ಅಭಿಪ್ರಾಯ, ಆಚಾರ, ವಿಚಾರ, ಸಿದ್ಧಾಂತ ಎಂಬ ಅರ್ಥಗಳೂ ಇವೆ. ಈ ತಾಣ, ಆ ಇತರ ಅರ್ಥಗಳಿಗೆ ವೇದಿಕೆ. ಎಡ, ಬಲ, ಮಧ್ಯಮ ಮತ್ತು ಈ ಮೂರೂ ಅಲ್ಲದವೂ ಸೇರಿ ಕೇಸರಿ, ಹಸಿರು, ಬಿಳಿ, ಕೆಂಪು, ನೀಲಿ.. ಇತ್ಯಾದಿ ಎಲ್ಲ ಬಣ್ಣಗಳೂ ಇಲ್ಲಿ ಹರಡಿಕೊಳ್ಳಲಿವೆ. ನಿಮ್ಮ ಕಮೆಂಟು ಅಥವಾ ವಿಚಾರಗಳು ಘನಗಂಭೀರವಾಗಿರಬೇಕು ಎಂಬ ಷರತ್ತೇನೂ ಇಲ್ಲ. ಕೀಟಲೆ, ತಮಾಷೆ ಅಥವಾ ಆಯಾ ಕಾಲಕ್ಕೆ ‘ವಿತಂಡ’ ಅನ್ನಿಸಿಕೊಳ್ಳುವ ‘ಚಾರ್ವಾಕ ವಾದ’ಗಳಿಗೂ ಮುಕ್ತಮನಸ್ಸಿನ ಸ್ವಾಗತವಿರುತ್ತದೆ!